Fischelner Platt auf Teneriffa

Jiedes Volk hät joe sinn Jewennde. Die Chinise eäten mirschdens Ries, die Engländer fahre ömmer op de lenke Sie, die Japaner dont alles fotojrafiere on die Holländer drenke ant lievst schwatte Tie on eäte Kies. Äwer witt Ihr watt die Deutsche für ’nen Macke hant? Die modden emmer am Strand ovv am Swimingpuel die Lieje reserviere. Et morjes früsch, bevür dat die Lü an dä Kaffeedüsch jont, loepe die met en Stöck of fief Handöcker onger dä Ärm jeklemmt, langes die Lieje on schwupp, schwupp, schwupp hant die all fief Lieje reserwiert. Ejal wie et Weär es, irsch ens reserwiere, och wenn dä Bademiester quot es. On dann jonnt die irsch Kaffedrenke. Angerte Jäs, die dat reserwiere net dont, kieke doll ut de Wäsch, wenn die öm elf Uhrstiet an dä Strand kueme on all die Lieje send reserwiert on kinn Minsch es doe. Wat dann? Dan kann enem all ens die Quint sprenge. En Bekännde van mech es dat op Teneriffa se jejange. Die wonnde en en vier Steäre Hotel met ene ejene Badestrand. Als die no noe et Kaffedrenke an de Strand koem, wore alle Lieje möt enen Handok beleit. On kinn Mensch wor doe. Äwer die hät kinne lange Palaver jemeit on hät van een Lieje dä Handok ronger jenoehme on hät sech selvs op die Lieje platziert. Twie Stond laater kome die ech säg ens: „die Reservierer“. Dat wore vier Frollü on die stunge no doe on kusse net neävenennanger legge. Et word no ärg op deutsch palavert. Min Bekännde helt sech stief on ding sue als wenn die kinn deutsch versting. On die Frollü woren dran: Frechheit, Unverschämt, unglaublich on sue wieer. Äwer dann troeke die vier dänn Diek av. Die wore suo ten Meter van min Bekännde av, doe kuss die net angersch on seit henger dänne her: „Ihr aal Fotte!“ Mit eene Schlach driene die vier sech öm on frorden: „Send Se on Fischeln?“